BL.11.2.5 კრეატინკინაზა CK MB იზოენზიმი -SIEMENS - ს ფირმის ბიოქიმიური სრული ავტომატური ანალიზატორი RXL MAX

კრეატინკინაზა MB-ფრაქცია

ფასი: ანალიზის პასუხი რამოდენიმე საათში – 11 ლარი


კრეატინკინაზა MB-ფრაქცია არის მიოკარდიუმის ინფარქტის ადრეული მარკერი. მიოკარდიუმის ინფარქტისას დაზიანებული მიოციტებიდან კრეატინკინაზა MB-ფრაქციას მოხვედრა შრატში წინ უსწრებს სხვა ფერმენტებს (მწვავე შეტევის შემდგომ 2-4 სთ-ში, მაქსიმუმ 24-36 სთ-ში, ამასთან აღემატება  ნორმალურ სიდიდეებს 5-20-ჯერ). თუ მიოკარდიუმის ინფარქტის პირველ საათებშივე ტარდება თრომბოლიზური თერაპია, კრეატინკინაზა MB-ფრაქციის აქტივობის პიკი შეიძლება გამოვლინდეს უფრო ადრე. შედარებით ადრე უბრუნდება ნორმას (3-6 დღე-ღამის განმავლობაში). გამოიყენება მიოკარდიუმის ინფარქტის დიაგნოსტიკისა და კონტროლისათვის, ნეკროტიზაციის პროცესის დინამიკის შესაფასებლად.

განსაზღვრის მეთოდი: იმუნოქემილუმინესცენტური.

ანალიზი სრულდება: Advia Centaur-ის ანალიზატორზე.

რეფერენსული საზღვრები:  0 - 24.0 U/L


მასალა გამოკვლევისათვის: სისხლის შრატი.
  შენახვის პირობები: 48 სთ 2-8 ºC ტემპერატურა
  მასალის აღება ხორციელდება ვაკუუმურ სისტემაში ანტიკოაგულანტის გარეშე ან შედედების აქტივატორით. სისხლი ლაბორატორიაში მიწოდებული უნდა იყოს 2 სთ-ის განმავლობაში 2-8 ºC ტემპარატურული რეჟიმის დაცვით

ინტერფერენცია: ↑ ბრონქოლიტიკები, ბრომიდები, ბარბიტურატები, პრეპარატები. რომლებიც ააქტივებს ფერმენტს (პრედნიზოლონი), ფიზიკური დატვირთვა.

ინტერპრეტაცია:  ↑↑  მიოკარდიუმის ინფარქტი. ↑ ქირურგიული ოპერაციები (ასევე გავლენას ახდენს ანესთეზიის მეთოდი და ხანგრძლივობა), კუნთების ტრავმა, დეგენერაციული და ანთებითი დაზიანებები (განსაკუთრებით პროგრესირებადი მიოპათიისას მომატება 50-ჯერ და მეტად), კუნთების ტოქსიური დაზიანება (ალკოჰოლური მოწამლვა, ტეტანია, ნახშირჟანგი, ჰეროინი, ამფეტამინები; ავთვისებიანი ჰიპერთერმია); კუნთების მეტაბოლური დაზიანებები (ჰიპოთირეოზი; ჰიპოკალემია, -ფოსფატემია, ჰიპეროსმოლარული მდგომარეობები; გლიკოგენოზი); კუნთების ჰიპოქსიური დაზიანებები (შოკი, პერიფერიული ემბოლია, ჰიპოთერმია), ფსიქიური დაავადებები, გულმკერდის არის რადიოთერაპია.

↑–იმატებს


Copyright (c) 2010 msdiagnostic.ge - All Rights Reserved "